"Русь" - "Мала Русь" - "Україна"
ДОДАТОК 10. Хроніка Литовска і Жмойтська
Стор. 17.
Еднак же тот народ литовский през час долгий от початку своего пановання незначний был. Русь мила над ними звирхность и трибут от них отбирала, а миновитеи вси пануючий княжата киевские землиРуской монархии отбирали от них в дани виники и лыка на верьовки, а то для недостатку и неплодности земли, которая еще не была виправна, и абы толко монарха руский свою зверхность над ними оказывал. Аж потом Мендок и Витен з Гедемином, преславные и преважные оных панств княжата, взявши пред себе оный прирожоный свой анимуш, и долго оное ремесло рицерское, порохом припалое, а земли поднесли, почали ся з ярма русского, которое ся было з антецессаров их, зачало выбивати княжатом руским. И так силными были, же не тылко ярмо з себе зскинула Литва, але тежь оных самых до того ж привели, же им мусили трибут, або дань, през час долгий давати, а звлюща в тые часы, где сами межи собою княжата русские гинули воюючися, а до того зась от татар ажь дощенту знищеныи и витрачений.Потым, где Литви люду великии личба розмножилася, почали переходити за рику Вилию в Завилийскую землю, которую на той час княжата руские держали, и там жмойт в пустынях осажитися почала. В той же Литви Кернос замок заложил и мисто над рикоу Вилиею збудовал и от своего имени Керно наминил. Потом Кернос, маючи частый наизды в Вилийской осади от князей руских, умыслил моцью отбитися, а, злучивши войско свое литовское Завилийское з братом Гамбрудом, князем жмойским, тягнул в руские панства ку Берестю, которого теперь зовут литовским (а на той час належал до князства Полоцкого), а там волости руские окрутие сплюндровавши, здобычи и полону набрали без отпору, а потым и до самого Полоцка, здобычи до своих литовских яскинь отславши, тягнули. Котрое то Полоцкое князство все срозе сплюндровали и люду много руского в полон забрали. А тое ся Литви и Жмойди в той час зс тоей тем своим секал руские князства, по двукрот бурили, яко о том выйшей ся описало. Сами тежь княжата руские сполне соби очи лупили, аж Болеслав Смилый, король полский, Изяслава на Киев силою впровадил, и были на той час в Руси великие страхи и растирки внутроной войны, иж з десперации вси хотили утикать; в той же час Полоцкое и иншие князства руские смиле литва воевала.
Стор. 18.
...а з Монтвилом, княжатем жмойтским, в приязни статечной жили на своих панствах перестаючи, руским княжатом на непреятеля помогали, волости мазовецкие наежджали, здобычи и полон выводили, и с того живилися. А гды в Руси видили незгоду и на выбите з их моцы маючи погоду, часто наежджали на их панства и лупы брали, и до лисов густых як до замку утикали, и если их русь, гонячи, в полю не догнали, то уже в лисах и болотах гнати ихдаремно... а гды в Руских землях достали с пълуга лемешов...
Стор. 18.1256 р.
Выправы литвы до краин Руских.
...Насылал козацкими дорогами з Живинбудом литву на плендроване краев руских, обачивши ку тому и зиму тугую для пребытя рик, озер и бродов. А гды Рускую землю и волости еи окрутне сплюндровали из великими лупами до Литвы уходили...
Стор. 18.1258 р.
Потом липше ся той Монтвил поправил знаючи, же сторона Руская есть спустошеная, а княжата руские от Батыя розгнаны...
Стор. 19.1258 р.
...на которой первей был замок столечный Новъгородок княжати русского, през Батыя збуреный. Там зараз Радивил збудовал замок и осил без розляня крови (бо не было кому боронити), опановал великую часть Руской земли и почал писатися великим князем новгородским.
Тые вси замки знову збудовал Радивил, а русь, христиане, которые были по оном нещасливом спустошенню Батыевом зостали, принял их ласкаве в свою оборону, а они ему на послушенство присягли. Так Радивил моц и пановане свое в руских князствах и замках предреченных снадне за короткий час размножил и расширил, и писался таковым титулом: Радивил Монтвиловичь Жимойский и Литовское земли дидичный пан, перший великий князь руский новгородский.
...против руси и нимцов нифляндских един другому помочь и ратунок давали. В котором згоди, и слави можной, в потужность панства росли, а подданых своих и границ боронили, а чужие панства, звлаща руские, которые в той час в незгоди жиючи, княжата сами илися и билися, аж потом литва, неволники, паном своим, руским княжатам, за порадную справою пановали... Радивил Монтиловичь, князь руский новгородский, видячи то, ижь его щасте несподиванне над панством чюжим дидичом учинило, теды теж зараз тым паном и рыцерству жомонтскому и литовскому, которые з ним были вышли, звлаща добре заслуженым, подавал им осидлость в панствах руских, которые покумавшися и побратимишися з русью, христианами, пущи тые, которые облогами лежали по Батыю цару и его строгом спустошеню, осили.
Стор. 19-20. 1263 р.
Кидан, царь татаров заводских, внук Батыев, зневолил княжат руских в их незгоди... и до трибуту албо дани их примусил, и баскаки, албо старости, и побсдоци свои в руских княжествах ховал... иныи, ажь до Мозыра князства руские опановал... Радивил такого поселства взял соби на размышление... А тым часом тихо войска руские, шлюбуючи им першую водность против татаров, помочи збирал... А гды уже руское войско немалое до него 30 всих сторон зобралося... ижь тамтою стороною мил з ордою переправлятися на звоеване и плюндроване руских краев... войско орды Заволскии през Днипр переправил и, притягнувши под Мозыр, загоны на буренья Руской земли распустивши, сам кошем положил ся над Днипром на устю Припети. А в том часи Радивил с русью, новъгорожаны, слонимчаны, пинщаны, жмондами и литвою войсками, пущею незнайоме притягнувши, ударил на свитаню з великим окриком на кош, где сам Кадан лежал... По смерти Радивиловой Микгайло, сын его, вступил на князство Новгородское и Подляское, также и вси краины руские от Вилны аж до жродел Неменовых.
Стор. 20-21. 1263 р.
...бо держали на той час землю Рускую сами мещане полоцкие... псковитяне, и новгородчаны великие, которые были достали за несворою и незгодою, внутреными войнами, забойством и мордерством княжат руских... а потом з Батыем царем притягнули и остаток спустошили, зачим миста можнийшие руские — Новгород Великий, Псков и Полоцко — без княжат почали солно соби жити и князства князей своих сами посили.
Стор. 21. 1265 р.
...князь новгородский Микгайло Радивиловичь взявся за кривду подданых своих и, зобравши войско свое из руси и литвы тягнул просто до Полоцка, хотячи гордость полотчан смирити.
Стор. 21. 1268 р.
Скирмонт, яко старший сын, сил на отцевской столици в Новгородку князства Руского и Литовского по Вилии реци.
Скирмон... Мстислава, князя слуцкого, з войском руским против соби йдучого, поразил.
Стор. 22.1269 р.
...сам Мстислав Романовичь, стративши всю силу военную, ледве утекл в малой дружини на Луцкий замок. И кричала Русь з великим плачем, ижь так великие их войска были окрутне побиты от литвы безецной.
А то написано литерами рускими.
Стор. 23. 1272 р.
А иж княжата литовские... посили были много князств руских и на них пановали, а голду орди Заводской, яко иншие княжата руские, не давали выправил послы свои до Скирмонта Микгайловича... разослал листы по панствах своих руских и литовских, абы готовыми были противко татаров... Потом Балаклай солтан... с великою силою татаров ишол в землю Рускую, а вшедши великие шкоды шаблею и огнем починил. Скармонт тежь, князь новгородский и литовский войска руские, которые мил готовые, зшиковавши, поткал Балаклая на граници своей в Койданова.
Стор. 24. 1272 р.
Сам потым царь Балаклай з великостю мурз и уланов, хотячи задержати от утички татаров своих, скочил и зостал на пляцу забитым, зачим остаток орды русь и литва снадне наголову поразили, вязнев, здобичи з великою корыстю отобрали. Потом Скирмонт, вытхнувши соби на побоищу по оном звитязстви, а маючи войска готовые, зараз тягнул до Сиверское земли и Руской за Днипр, где найпервий по сей сторони старый взял Мозыр, потом Стародуб, Карачев, Чернигов, замки столечные и миста с волостями князств руских и сиверских опановал... Потом Скирмонт, расширивши моць свою литовскую в руских князствах, будучи полным славы и вику, умер Новгородку... зараз почал писатися великим князем жомойским и литовским, и русским.
Стор. 24-25. 1276 р.
О поражци бардзо великой Руси над татарами.
Курдан солтан, царь заводский, мстяся забитого отца своего царя Балаклая, от литовских и русских князей [забитого] под Койдановом, зобрал вси орды свои Заводские, Нагайские, Казанскую, Крымскую и тягнул на руские князства, огнем и шаблею плюндруючи... рушилися заразом противко татаров ку Мозыру... наостаток татаре утекаты почали, а литва и русь тым смилей розогнаных и утикаючих татаров били... Сам царь Кордан в малой дружине ледво утекл до своей земли, а литва и русь полоны и лупы совито ви забрали и з великим и славным звитязством до своих сторон вернулися.
Стор. 25. 1284 р.
Ринголт Алгимунтовичь, внук Троняти, по смерти отца своего Алгимонта, гды почал великим князем литовским, жмойтским и русским писатися, позайзрили тому княжата русские, мяновите Свитослав, киевский монарха, котрмй соби власть порядком своих продков привлащал. Видячи, же литовские княжата, погане, моць свою в панствах руских розширили и з голду, котрмй здавна до Киева платили, выбилися, почал радитися з другими княжатм, звлаща Двом, володимерским, Дмитром друцким, абы знову Литву под ярмо першое могли привести. Змовилися все три сполне и одностайне соби помагати и воевати противко Ринголтови Алгимонтовичу, хотячи его з стародавной отчизны своей выгнати, князств руских и литовских, котрме завше до Киевской монархии належали. Затягнули тежь на помочь килка тысячей татаров от Кордана, цара заволского, мниючого гнив на Литву о звитязство над ним. А так ви три княжатм з татарами тягнули з великим войском руским в Новгородъские державы, над Немном лежачие, пустошачи и палячи всюди. Ринголт тежь, великий князь литовский, жомойский и новгородский, зобравши литву и жомойт, также и русь свою, заступил тым княжатам над Немном у Могилны, напомянувши бояр своих и панят также и войско словы короткимм до битвы и порядне их зшиковал и ударил на руские и татарские войска з великим окриком, а они тежь также смиле натерли, уфаючи своему великому войску. А так строгая а великая война през день цилый трвала, ажь наостаток бог помогл Ринголдови, же оное великое войско руское и татарское тыл подало. А так на том пляцу руского и татарского войска згинуло 40000, татар утекло з тысячии десяти пятсот, а руси з Свитославом киевским, Дмитрием друцким, Лвом володимерским полтораста жолниров руских утекло до Луцка. А зРинголтова убито войска 7 сот, а раньше двести было; и так Ринголт с великим триумфом и добычю неощацованною, маючи при соби тысячу татаров, а руси двисти неволникив, повернул до Новгородка и был всим потом Ринголт страшен.
Стор. 26. 1284 р.
Мендок, зоставиш паном и великим князем литовским и жимойтским, и руским, великие и знаменитые с Русью и Инфлянтами крыжаками мивал и завше относил звитязство, а потом почал стискати приятелей своих з маетностей, и того ж року выправил сыновцов своих на звоеване руских князств... И росказал им перше тягнути до Смоленска, мовячи до них таки “Хто соби добудет на Руси, то нехай соби вичне держит и за отчизну мает” Феофил взял Полоцко, а Викинт Витебско, а Еврил, або Радивил, в Смоленску и в Друцку килка пригородков взял з волостями их. А так тыи три братия княжата литовские,перестаючи на том, що собе завоевали, угрунтовалися в прерочных панствах, и закон и виру христианскую рускую приняли... То учюявши, Феофил и Ервил, и Викинт, братия осадили замки свои людом рицерским, а сами, злякавшися моцм великой стрмя своего Мендога, утекли до Данила Романовича, кроля руского, котрый в той час кролевствовал и кролем всей России писался (6о был коронованый),просячи его о оборону и помочь против Миндогови, стриевы своему, великому князю литовскому. Утекли ся тежь и до Василия, володимерского князя, брата Данила Романовича, короля русского, которые на той час были на Чорной и Билой Руси можнийшими князями рускими. Теды король Данило Романовичь принял их в свою оборону и почал войска збирати з Василием, братом своим, против Мендогови, сподиваючися за такою погодою Новгородка и инших князств руских, котрме на той час Литва держала, достати и до Киевской монархии привернути, а Литву до голду примусити войною. Послал тежь и до Болеслава Встыдливого, короля полского, и до инших княжат руских... але ему поляки выдмовилися, будучи звоеваны от татаров, котрмх было шесть крот 100000 з Койданом царем а внуком Батыевым, котрый в той час прешедши Рускую краину през Руские панства, Полскую, Куявскую, Шлионскую землю,
Муравскую и Венгерское панство орутие были сплендровали... То учувши, Мендовг... послал им с послами сына своего старшого Войселка в заклади, котрый потом окрестился в рускую виру и зостал христианином и чернцем напотым.
Стор. 27. 1290 р.
Потом, Мендог року 1290, зобравше войско з Литвы и инших краин прилеглых, з Сварном, руским князем, впал до Мазовши... сам Сварн, князь руский... Потом литва на пришлый рок, с прусами и русю... незгоды домовые межи русю и литвою... от Данила, короля руского.
Стор. 28.1290 р.
...яко христианинови и брату сполне виры руской...
Стор. 28.1296 р.
...неприятелем головным, также Русью огрожоною...
...на колгоколвек з сынов Данила короля руского, люб Лва, любо реж Романа на панство просити Литовское, иншие тежь на Сварна, Данилова сестренца...
Стор. 29.1296 р.
...противко Лву Даниловичу, кролевичу рускому...
Стор. 29.1298 р.
О забытю князя Войселка от Лва князя руского.
...взял и опановал килка замков руских...
...и иншие руские княжата... але Лев Даниловичь, князь володимерский, заживаючи хитрого фортелю, умыслил вызвати глубше Войселка в Рускую землю.
Стор. 30. 1298 р.
Назавтре, скоро по обмови, просил всих княжат Мишколт нимец, пан руский, до сибе на обид, который то был пан найвысшим справцою и радным у Данила кроля руского, и были вси веселы в него... выбавость народу руского...
Стор. 32. 1298 р.
Над тыми чотырма братами Наримонт, яко старший будучи, в Великом князстви Литовском пановал, а, злучившися з силами их Польшу, Русь, Мазовшу и Прусы частокрот наижджали.
Стор. 33. 1308 р.
...Тройден, брат молодший, Великое князство Литовское опановал, забрал войско псковское и новгородское, и русь, войною доходити Литовского князства под молодым братом...
Стор. 33. 1309 р.
Лаврентий чернец, зобравши все войско литовское и русь новгородскую, тягнул против Довмонта, стрыя своего.
Стор. 35. 1320 р.
...был великий голод в Полщи, в Руси, в Литве и инших краинах прилеглых.
Стор. 35. 1321 р.
Гедемин, сын великого князя Витеня, сил на князстви своего Литовском, Жимойтском и Русском...
Стор. 36. 1321 р.
...Кгедимин зась, великий князь литовский, любо мил не послиднее войско з литвы, а руси и татар зобраное...
Замишалися нимцы зараз, обачивши несподиваную зраду, подали тыл, а литва, жомойт, русь за ними, а татаре з боков и с переду утекаючим... Гедимин з литвою и жомонтю и русью, и татарами нимцов наголову поразивши...
Стор. 37. 1321 р.
Але русь бардзо боронилась розмаитою стрелбою и потисками, литву з обломков отбиваючи, а потом сам князь володимерский з людьми своими и татарами на отсичь своим притягнул.
Гедимин, зшиковавши килка от жомойтов пиших з копиями и потисками, также з упортками мижи издою литвы и руси, татаром добили...
Стор. 37-38. 1322 р.
Гедимин, великий князь литовский, скоро минул велик день, зобравши все войско свое литовское, жомойтское и русское на другой недели по велицем дни тягнул з Берестя против князя Станиславови,княжати киевскому, который с продков сам один монархою або единовладцею был руским. А прошедши спокойне Луцкую и Волынскую землю, притягнул напервией под Овручов, замок князя Станислава, которого добывши, осадил литвою. Потым ишол до Житомира, в котором было много шляхты киевской, а так добывал его много штурмуючи, лечь русь, в нем боронячися, змордовалася. А так поддалися наостанок и там старосту своего и рицерство литовское в замку и мисте осадил.
О поражци литовской над Русью.
...аж на остаток Гедемин, стрвожоный, отлучившися от валного войска своего в бок руси... Литва здесь и жомойть в одной справи, на чоле и по боках стоячи, на змишаную русь тым смиле натирали; не могл гвалтовного пуду Станислав, князь киевский, вытрвати, почал назад уступувати, а литва на них притирала сродзе. Олег, князь переяславский, Роман бранский, Лев луцкий, князеве, не долго на плацу стояли; видячи киян, же с князем своим почали утикать... То обачивши князь Станислав киевский и Роман бранский зараз тыл подали, а рицерство руское розно по полях перхнуло, а литва руснаков аж до ночи гонили, били, сикли и имали. Гедемин день и ночь вытхнул и войску своему дал вытхнути, а потым руси не даючи на проволоку до збырання войска, притягнул до Киева...
Потым уихал Гедемин през мисто в замок Киевский, побрал тежь и иншии места: Билгород, Слиповрон, Канев, Черкасы, добыл теж Бранска Сиверскаго и Переяславля, замку столечного княжат руских. И так за идным звытязством монархию Киевскую, Волынские и Сиверские князства ажь до Путивля за Киевом на 50 миль и далий опановал, и до Литовскаго панства прилучил, на Киеви и инших мистах преложил старшим намистником своим Мендогова князя Голштанского Алигимонтовича, кревного своего, который потым окрестился в виру рускую и пановал на Киеви аж до Володимира Ольгердовича.
...А Резанское князство было здавна можнийшее над иншии вси князства руские... Все иншие краины московские Резанское панство...
Стор. 39-1322 р.
Там же в Кернови, мисти столечном князства Великого Литовского, рицерство свое, на оных войнах руских добре заслужоное ударовавши, все войско дл\ вытхеня до домов распустил.
Стор 41. 1323 р.
Пановал князь Гедемин лит много на князстви Литовском, Руском и Жомойтском. Стор. 42. 1329 р.
Тыи кондиции межи собою постановивши, подтвердили присягою, а Евнутови князство Жомойтское на Руси с повинности братерской выделили.
Стор. 43. 1331 р.
Олгерд, руское и литовское войско зобравши, до Прус вторгнул и землю их окрутне сплюндровал.
Стор. 43. 1332 р.
Литва зас русю скочила зараз з копиями и шаблями...
Литва з русью по том звитязстви забрали Торговицу...
А гды так славное звитязство Олгерд над татарами одержал... и вси краины Руские с Подолем поручил им и дал в пановане.
Стор. 44.1334 р.
Дмитрий, потомок власный Володимеров и Ярославов, княжат руских, бдучи великим князем московским... почал ся выбивати з моцы и послушенства татарского, которым его предки и вси княжата руские от Батыя, царя татарского, звоеваные и зневоленыи... зачим литва в той незгоди от монархов киевских здавна зневоленая, обачила и выбилася княжатом руским з моцы, и их самих же почала наежджати. Батий царь татарский в шестсот тысячий войска татарского руские панства завоевал, Полщу и Венгры сплюндровал, и от того часу нещасливаго вси княжата руские и московские...
Стор. 44. 1342 р.
Любарт Гедеминовичь, брат Олгердов, князь волынский и луцкий... зобравши войско Козаков литовских и волынских, пришел под замок Галицкий...
Стор. 45. 1371 р.
О извещению великому князю Дмитрию, яко Мамай идет воевати Русь.
Стор. 46. 1371 р.
...павши на колина почал молитися со слезамии да простит милостивый бог грихи его и заступит землю Российскую от безбожного Мамая... Потым князь Дмитрий, взявшы брата своего Владимира, пошол до опреосвещенного митрополита Киприяна и сказал ему, же царь татарский Мамай идет на Русь.
Стор. 47. 1371 р.
...язык сказал великому князю Дмитрию, же правдиве идет Мамай на Русь и як обослалися з ним Олег резанский и Олгерд литовский.
О приизди руских князей и воевод, и многих ратий к Москве.
По повелинию великого князя Дмитрия приидоша рускии князи и воеводы и многое воинство на назначеный день Успения Пресвятыя Богородицы на Москву.
Стор. 48. 1371 р.
...Мамай и почал намовляти Захарию лагодными словами, обицуючи его воеводою на Руси учинити... А гды татарин прийшол и все сказал Мамаеви, що Захария мовил и лист разодраный отдав ему, царь же нечестивный от гниву подскочив и почав сердитися, и росказал готоватися моцно Русь воевати воинству своему... У ведавши же правдиве от Захария о Мамаю, же поспишает ити на Русь, почал радоватися наилипшей и тишитися о бози укрипляючи брата своего и всих князей руских против поганого Мамая.
Стор. 49. 1371 р.
...вистники прибегли, же Мамай рушився з войском своим на Русь.
Стор. 50. 1371 р.
...и было так российское воинство великое...
Стор. 52. 1371 р.
Тогды старый жолнире руские радовахуся...
...гналися татаре аж до войска руского, а обачивши войско великое... князие российстии ополчишася при Дону во многом множестви войска... и вси вой и богатыри рукии готовы и охочии до войны...
Стор. 54. 1371 р.
...третьего часа, ушиковавшися, почали обои войска трубити на войну. Рускии найлипше возношахуся во гласих, а татарские як понимили, а войска еще с собою не зашлися, бо была мгла.
Стор. 55. 1371 р.
...хотячи сам впередь зачати битву от великой ревности за виру христианскую, за церкви святыя, за землю Рускую и за всю обиду. Але рускии князи и рицери задержали его...
Стор. 56. 1371 р.
И знову мовити “Братия моя и друзи, ныни дерзайте. Сила божиа помогает нам” Богатыри же вси витязи рускии, выихавши з дубравы, пустишася вси во имя господнє на татаров, аки соколы на журавлев, иударилися велми. Татарове же, обачивши множество полков руских и таковое дерзновенье ко брани, устрашишася и кликнули, молвячи: “Горе нам, Русь умудрися, худших исправиша прежде с нами на бой, а самые богатыри сокрывшеся теперь з засыды на нас идут” И, обернувшися, татаре почали уступати, и давши плещи своя, побегоша. Руские же полки силою божиею и помощию святых мученик Бориса и Глиба погнаша нечестивых.
Стор. 57. 1371 р.
Рускии же воины многии гонили за ним, але не могли их догонити, 6о кони Мамаевы были непотомлены... Руския воинства побидивши татаров ворочалися под свои корогви до обозу... радуйся свитило земли Российской...
Стор. 58. 1371 р.
Над которыми став, великий князь и почал плакати, мовлячии “Братия моя милая, князи и сынове руские, положивши за виру святую главы своя” Собравшу же ся воинству, стал посред их великий князь, почал с радостью и плачем мовитии “Братия моя возлюбленная, князи рускии и бояре мистныя, воеводы сильный и вси сынове земли Руския...”
Стор. 58-59. 1371 р.
По сем вел[икий] князь Дмитрий молвити “Зличите ся братия, колико князей нит и воевод, и колико нит старых и молодых воинов” Отповидил ему Михаил Александровичь, боярин московскийи “Нет. вел[икий] князю, у нас четыредесять бояринов московских, двенадцети князей билозерских, тридцети посадников новгородских, двадцети бояринов коломенских, четыредесят бояринов серпохотских, двадцети бояринов переяславских, двадцети пяти бояринов костромских, тридцети пяти бояр владимерских, осми бояр суждальских, четыредесят бояр муромских, двадцети трох бояр дмитровских, тридцети бояр ростовских, шестидесят бояр можайских, тридцети бояр звенигородских, пятнадцети бояр тверских, пятнадцети бояр углецких, семдесяти бояр ярославских, тридцети началников литовских, а от всих полков всей дружины воинской, положивших головы своя за честь божию и за тебе, князи своего, и отчество свое, двисти пятдесят и три тысячи” Тогды великий князь Дмитрий из глубины сердца своего вздохнул и, обернувшися до гробов побитых российских воинов, со слезами, великим плачем молвили “Братия моя вселюбезнийшая, князи, бояре, воеводы и сви витязы старые и молодым, сынове рускии... где положили есте богатырский свои головы за виру христианскую и за землю Рускую, вам будет вичная память...”
Стор 61. 1375 р.
Олгерд... Тылко жывность вшелякую войску у москалей брал...
Стор. 62. 1380 р.
В Литви, в Руси, в Полщи была велми строгая зима, же быдло домовое и звиры в лисех, также и птаство от зимы выздыхало, и дерево в садах овощное все пересохло.
Стор. 62. 1387 р.
Кестут, Ягейло и Витолт з руси и жимойди и литвы зобрали войско великое, и вторгнули до Польщи. Любарт тежь и Феодор, княжата волынские, з Луцка и Володимера, а Юрий
Наримонтовичь з Белза з волынцами и з русью през пущи пришли до земли Любелской и там, злучивши войска свои, пустили загоны на вси краины полские, межи Саном и Вислою риками лежачие, аж до Тарнова и за Сендомир далеко в другую сторону.
Стор. 63. 1389 р.
Олгерд еще за живота отца своего Гедемина понял был жону соби именем Юлияну, дочку князя витебского, с которою мил сынов шести, в рускую виру покрещеных.
Стор. 64. 1392 р.
Ягейло, за старанем Кейстутовым на панство отцевское вступивши, великие войны с русью, поляками и крижаками инфляндскыми и прускими мивал... аж Ягейло против Руси Полоцкой поднесл... А по маломтеж часи Кестут Новгородок и Сиверское князство опановал на Руси... Потым Кейстут войско зобрал з руси и жимойт, а Ягейло з пруских, инфлянтских крыжаков, а гды ся войска ку соби юж до бою зближи, ним до битвы пришло... А потом Ягейло Витолтови Волынь весь и Подолье, краины руские, отдал на панованье. Стор. 65. 1393 р.
Ягейло Олгердовичь, великий князь литовский, успокоивши 30 всих сторон панство все свое и замки украинские от прусов и листанд жолнирством литовским и жомойтским опатривши, выправился з войсками до Мазовши.
Стор. 66. 1397 р.
Потым Скыргайло и Витолт тягнули до Полоцка... а осадивши замок Полоцкий рицерством литовским и всю Русь Полоцкую, Лукомскую, Витебскую, Оршанскую, Смоленскую, Мстиславскую, з оных бид успокоили и до послушенства князства Литовского привели. Стор. 67 1399 р.
Владислав Ягейло, зобравши войско, якое могл, тягнул до Литвы, абы тыи несноски мижи литовскими и рускими панами усмирил.
Стор. 68. 1399 р.
Литва и Русь смилостью, яко то в дому своем, а нимцы зас збройно и потугою премагали... Наостаток жолнире кролевские и войско Скиргайлово литовское, также княжата руские, литви албо Скиргайлови помогаючее... В том же замку также 14000 литвы и руси частю от огня, частю от нимцов загинуло... Наримонт, князь пинский, брат рожоный Ягейлов, мужне обоих замков з литвою, поляками и русью боронил...
Стор. 69. 1400 р.
Скиргайло был болшей смилостн, к тому скарбы великии и зычливость во всей Русии мил, собрал войско против Витолтови...
Стор. 69-70. 1400 р.
Учувши тыи жалостный новины кроль Ягейло зараз до Литвы з Польщи приихал и, призвав брата своего Скиргайла з Руси, упросил его, иж ся с Витолтом поеднал.
Стор. 70. 1401 р.
Учувши то Корибут Олгердовичь, не ждучи неприятеля в своей земли, зобравши войско з руси, тягнул до Литвы против Витолтови, не задаючи ему на Сивер далекой дороги.
Стор. 71. 1401 р.
Потом Витолт, чинячи соби пановане самовладное в Литви и в Руси, выправил з тым же поселством до Володимера Олгердовича, князя киевского, абы послушенство, присягу, подданства и голд отдал ему... Был Скиргайло на крещении святом названый Константин и был виры руской, а не лядской.
Стор. 72. 1401 р.
Потом Витолт на Подоле з войском литовским и руским выправился на князя Феодора Кориантовича...
Стор. 72-73. 1401 р.
Видячи то Швидцигайло, иж первий Витолт его осил, а потым материнское его дидицтво Ягейло соби отобрал, взявши войска от мистра пруского и бояр руских, также Козаков много збунтовавши, тягнул до Витебска, которого прудко добыл. Там же старосту Ягейлового Весну з обламков казал скинути... и опановал Витебско, а потым добыл Орши и иншие замочки руские побрал. То учувши кроль Ягейло, обрушоный будучи таким деспектом от невдячного брата, послал до Витолта, просячи его, абы помстился зелживости его и шкоды над Швидригайлом сполным неприятелем. А так Витолт, зобравши войско литовское и руское, тягнул напередь до Орши.
Стор. 73. 1401 р.
Витолт, пришедши до Смоленска, взял мисто и замок доброволне поданый соби, который литвою и русью осадивши, поставил на нем Василия Борисовича старостою албо своим княжим намистником... послал Витолт зараз з Смоленска часть войска литовского своего и руского в его державы... Другую зась часть войска литовского и руского выправил Витолт в Дикие поля на татаре заволские и задонскии.
Стор. 75. 1400 семого року.
А так Литва и Русь велми през тое звитязство всюды слынула, и вси панства Руские и Литовские страшны были.
Стор. 75. 1409 р.
Витолт, будучи першим звитязством запаленый, збирал войско цилый рок, братию теж, княжат, згромадил, котрыи были на удиле и до него збиглися, як рой до матки, так люд литовский и руский.
Стор. 76. 1409 р.
А еднак с ним Витолт скоштовался, маючи литовское и руское войско при соби, а маючи уже готовый войска с потребами военными, к тому маючи и княжат руских, тягнул до Киева, Токтамиш теж был зсвоими полками татар заволских... молодых наших панят руских охота до бою... а гды пришел над Ворскл... Татаре одержавши звитязство над Витолтом, зараз з войсками своими шли на Русь, а пустивши загоны в Руские и Литовские панства, кошем положилися под Киевом и облегли его.
Стор. 77. 1416 р.
Витолт видячи, же тое москал за фрашки соби обернул, зобрал свои войска литовские и руские, тягнул до столицы московской, палячи, стинаючи, а князь Василий московский, видячи в панстви своем немалую шкоду от литвы, послал до Витолта, просячи покою...
Стор. 78. 1418 р.
Повстали прусы з войском немецким, хотящи Полщу и Литву до грунту выглядити... А так Ягейло кроль переправился през Вислу 30 всим войском своим и стрелбою, порохами, кулями, и всим обозом, такде и Витолт з литвою и русью и двома ордами заводскими, которых рок цилый коштом своим ховал.
Стор. 79-1424 р.
...кроль надал шляхти литовской и руской тым толко, котрыи были христианами, водности, слободы и гербы...
Стор. 79 1427 р.
Витолт, великий князь литовский, постановивши з кролем Ягейлом порядок христианский в Жомойти, зобрал войско, посполитое рушене, з литвы и з руси а переправившися през Двину реку у Друши облегл напирвый Сабож, замок и мисто Псковское.
Стор. 80. 1427 р.
А Великий Новгород здавна был можный, маючи под собою князств пять, и всей Руси там был склад купецкий.
Стор. 81. 1438 р.
...а людми поляками, русью албо венграми тое господарство осадили...
Стор. 83. 1442 р.
А так Швидригайло утекл спешно и от жоны на Русь, там же был от своей руси принятый вдячне, а Жигимонт жону его руску, дочку князя тверского, поймал в Ошмяних. А так всю Литву, Вилно, Троки, ииншие замки, также землю Жомойтскую снадно осил и ипановал, и того ж часу поднесен был на князство Литовское. А Швидригайло Полоцко, Смоленск, Киев, и Русь всю опановал.
...Лечь Феодор натирал на них з русью своею добре на плмишаных и виижджаючих з реки; русь отвсюль нагривала, бючи, топячи, имаючи поляков.
...Войска Швидригайлова лягло на пляцу 32000, а чотыре тысячи поймала литва живцем, межи которыми много было панов и княжат руских... а в Руси на Волыню Кирдий, муж в войне цвичоный.
Стор. 84. 1443 р.
Швидригайло, маючи войско листанское и велми много руси московской, вторгнул до Литвы...
Стор. 84.1444 р.
Того ж року Швидригайло, зобравшися з русаками и з мистром листанским и крижаками, тягнул аж до Браславля, плюндруючи огнем и мечем вси волости.
Стор. 84. 1445 р.
...бог помогл великому князю Михаилу Жигмонтовичу, же все войско Швидригайло поразил и много живцем поймал, а наперед князя киевского Ивана Володимеровича и брата его князя Феодора и инных много руских и немецких панят.
Стор. 84. 1448 р.
А по всей земли Российской была тогды четвертка жита по десять коп литовских. Стор. 85. 1449 р.
...в Флиоренции... споткованье руси и греком з римским костелом змыслили...
Стор. 85. 1454 р.
Жигимонт Кестутовичь, великий князь литовский и руский... выгнал Швидригайла з панства, а так Литовское, Смоленское, Полоцкое, Киевское, Подолское, Витебское, Мстиславское князства руские опановал... Учувши князь Швидригайло о забитю Жигимонта, притягнул з Волох (бо там был утекл) и Луцко под Литвою взял, а княжата рускии, которые были на войни взяты и посажены, тых по смерти Жигимонтовой з вязеня всих выпущено.
Стор. 87. 1464 р.
...а пред тим з панами рускими учинили...
Стор. 90. 1480 р.
...а к тому тежь литва з русью огнистыми стрелами...
Стор. 92. 1484 р.
Учувши то Казимер кроль, зараз рушил полскую и рускую шляхту...
Стор. 92. 1487 р.
Тым звытязством и опанованем того миста славного Иван Васильевичь, князь московский, поднесся на вси краины князства Руского и Литовского мысли свои обернул.
Стор. 93. 1489 р.
Казимер теды... рушился до Лвова на початку осени, где на росказане его вся шляхта руская, подолская, панов теж полских и литовских велми много до Коломыи притягнули.
Стор. 95. 1492 р.
Того ж року Иван Васильевичь, великий князь московский, маючи час в погоду за нового панованя Александрового, на початку весны поднесл войну на панство Литовское и взял Вязму, Холопен, Мещерск,Любческ, Серпохов и инные замки руские сиверские, Литви от Олгерда и Витолта служачие, и инших волостей много в коротком часи опановал. Стор. 98-99.1497 р.
Стефан, воєвода волоский, хотячи помститися кривды своей и невинности поднесеня войны против себе от Яна Олбрыхта, короля полского, зобрал войско великое з волохов своих, мултанов, турков, татар и вторгнул на Подоле и до Руси, и вси волости, села, мистечка без опору сплюндровал, Перемышль, Радомл, Преворско, Ланцут спалил... люду обоей плоти в неволю турки, татаре, и волохи вывели... татаре бранцами рускими и полскими наполнили были...
Стор. 99-1499 р.
Василий Ивановичь, великий князь московский, болшого расширения панства своего прагнучи, не стерегучи премыря, нашол причину таковую на Литву, иж Александер, великий князь литовский, дочци его Елени, которая была за ним, не збудовал церкви руской на Виленском замку. Задаваючи теж то, иж Литва его кондицию примиря преступила, надто стародавных продков своих упоминался, руских панств всих от Литвы, аж по Березину рику.
Стор. 100. 1499 р.
Александер, великий князь литовский, будучи велми жалосный для неслушной войны отца жены своей, зобравши войско литовское послал с ним гетмана своего, князя Константина Ивановича Острозского, аз ним княжат, панов и бояр литовских и руских много.
Стор. 101. 1506 р.
Пришол в Русь Магмет Герей солтан, царевич перекопский...
А сам старший царь Магмет Герей солтан стал того де дня августа 15 под Минском и пустил загоны под Вилию, также до Витебска, Полоцка и Друцка, и на вси стороны литовские и руские... христиан вязнев з Руси и Литвы, кром инших добытков, вывели...
Стор. 102. 1507 р.
Михаил Глинский... а инших панов литовских и руских обитницами и подарками о князство Литовское приобрил, распустил теж загоны по всей Литви...
Стор. 103.1507 р. и зараз Глинский под иншие замки руские тягнул Глинский.
А Жигимонт, кроль полский... рушился сам 30 всими войска полского, литовского, руского и жимойтского против Глинского, который ся был выправил знову з великим войском московским в Литовскую землю.
Стор. 103. 1509 р.
Воевода волоский Стефан збройною рукою вторгнул до Руси, Лвов зрабовал, отколь немало скарбов выбрал, Рогатин поддался ему... Так в той час Литва и Русь з княжат Глинских были очищены.
Стор. 104.1512 р.
Того ж року князь Константин Острожский з Литвою и русью 25000 под Вишневцем татар перекопских побил.
Стор. 104. 1514 р.
Пришол князь великий Иван Васильевичь под Смоленск з войском великим московским и стоял под городом недиль 12, стриляючи с дил, а кроль Жигмонт то учул, зобрал войско полское, литовское и руское и иіиол боронити Смоленска.
Стор. 105.1514 р.
...князь Константин за ним з войском литовским, руским и полским тягнул аж на Днипр под Оршу... И помогл бог войску полскому и литовскому, иж всю москву наголову побили...
Стор. 106. 1517 р.
Иоанн, великий князь московский, волости литовские украинские, от границы своей воевал, а кроль Жигмонт против ему выправил Константина Острожского, гетмана литовского, з войском литовским и руским.
Стор. 106.1521 р.
Татаре, вышовши, Белскую, Любелскую и Хелминскую землю звоевавши, поразили у Сокаля поляков, бо не хотили слухаты рады здоровой князя Константина Острожского, гетмана литовского, который был злитвою и русью на помочь полякам пришол.
Стор. 106.1524 р.
Турки и татаре Лвовскую, Сълуцкую, Белзскую, и Подолскую землю окрутне звоевали и неоплаканую шкоду по всей Руси Подгорской учинили, а поляки стертися з ними не смили, памятуючи Сокальскую поражку свою от татаров.
Стор.107.1527 р.
Татаре, гды великие шкоды починили в Полщи, в Руси, и в Литви частыми своими утарчками, зараз панове литовские и руские зобралися против им охотне з рыцерством своим, литовским, руским, волынским, а найпервий Константин Острозский, гетман литовский... за помочию божиею литва и русь з волынцами сщасливе наголову всех поразили, а полону звязаного христианского обоих станов з Руси, Подоля и Подгоря 80000 отгромили издобычи отняли.
Стор.107.1530 р.
Того ж року Литви и всей Руси даны суть права писаные з ухвалою всих станов в день святаго Михаила в Кракови.
Стор. 108. 1451 р.
Саранча великая в Польши, в Руси и в Литви была, и где на жито, ярину и траву впали, с кореня выгризала.
Стор. 111. 1565 р.
Станислав теж, пан литовский, замок московский Озерища взял, а Филон, воевода смоленский, з войском руским Почепов мисто збурил и аж до Стародуба вси волости сплюндровал. А так москаль сидил тихо от того часу.
Стор. 115. 1573 р.
...при котором теж был Миколай Синявский, воевода руский...
Стор. 117 1573 р.
...на которую елекцию панове полские, литовские и руские и все рыцерство з[ъ]ихалися в великих почтах.
Стор. 117. 1576 р.
Татаре великие и неошацованые шкоды в Руси, на Волыню и в Подолю починили.
Стор. 117. 1577 р.
Панове коронный, литовскии и руськие...
Стор. 118. 1578 р.
...рушился кроль зараз з войском всем литовским, руским и жомойтским до Полоцка... А в той час рицерство и козаки литовские и руские, упередивши все войско, замки три московские, Косяну, Красное и Ситъно, несподиване убигли и спалили, а кроль, гды с трох сторон мисто Полоцк облегл августа 2 дня, назавтрее мисто добре оборонное перекопом, палом и стенами, также баштами, венгрове кролевскии и люд пиший канцлера ко-
ронного Яна Замойского, также и литовские гайдуки и козаки руские запалили и москвы велмы много побили, а другие москали до замку утекли.
Стор.120.1580 р.
Кроль Стефан 30 всим полским, литовским и руским, жмойтским войском тягнул до Еликих Лук.
Стор. 122. 1582 р.
Довидавшися того, кролевские козаки зараз замок той оправили и оттамтоля шкоду великую москви чинили, що было на руку королеви... а наостанок вызывал царя московского на поединок и казал ему той лист переписати по-руску и отослал его през своего.
...а за ним дни в два притягнул сам кроль за всим войском полским и литовским, руским, пруским и жимоитским.
Текст подано за: Полное собрание русских летописей. Том тридцать второй. Хроника Литовская и Жмойтская. — М., 1975.
